A asociación xuvenil «Nós Somos Nós» ten o pracer de presentar unha nova edición de «ANDAINA». Este ano, coa novidade de SOLIDARIA, colaborando con cada inscrición coa Asociación “Bicos de Papel” do hospital Álvaro Cunqueiro.
A andaina celebrarase o día 11 de xaneiro de 2026 e terá inicio no Centro Cultural de Castro Barreiro as 10:45 h. O percorrido será de 10 km aproximadamente pola contorna, onde se poderá gozar dunha paisaxe fermosa nun entorno moi natural.
O prezo da inscrición é de 8€ e prazo de inscrición remata o 7 de xaneiro de 2026. Unha porcentaxe da inscrición está destinada a Asociación “Bicos de Papel”, ademais poderás doar a cantidade que consideres.
No caso de non poder participar, pero querer doar, poderás facelo a través do DORSAL 0 = DORSAL SOLIDARIO. A infancia de oncoloxía do Álvaro Cunqueiro agradeceracho.
A inscrición dá dereito, ademais da participación no evento, ao seguinte:
- Unha tapa de callos, pan, viño e sobremesa.
- Bolsa con auga e froita.
- Servizo de gardarroupa.
- Agasallo da Asociación “Bicos de Papel” por ter colaborado ca infancia de oncoloxía do Hospital Álvaro Cunqueiro coa túa inscrición.
O regulamento completo atópase no mesmo enlace da inscrición.
Buenas tardes , sé acabo el plazo de inscripción pero habría forma de anotarnos dos personas? Gracias,un saludo